Shefja e Operacionit Ndërkombëtar të Monitorimit zhvilloi një takim me anëtarët e komisioneve të vetingut. Përmes një postimi në Twitter ajo shprehu besim të plotë se puna e tyre do të sjellë ndryshime positive. Ata kanë postuar dhe njw foto sw bashku.
Pak ditë më parë ambasadori i SHBA-së Donald Lu paralajmëroi fillimin e vettingut brenda pak ditësh.
Më 17 qershor Parlamenti i Shqipërisë miratoi me 100 vota pro dhe dy kundër listën me 27 anëtarët e komisioneve të vetingut. Nën monitorimin e Operacionit Ndërkombëtar të Monitorimit, tre institucionet e vetingut do të kontrollojnë njerëzit e drejtësisë në drejtimin e pasurisë, lidhjeve me krimin e organizuar dhe aftësitë profesionale.
Anëtarët e KPK
Etleda Çiftja, ish-përfaqësuese ligjore e Hydropower Devoll
Firdes Shuli, notere
Genta Tafa Bungo, pedagoge, sekretare e Përgjithshme e Dhomës së Përmbaruesve
Xhensila Pine, pedagoge e të drejtës kushtetuese
Brunilda Bekteshi Vasha, juriste
Roland Ilia, avokat dhe lektor në universitetin e Shkodrës
Suela Shegu, specialiste në KLD
Valbona Sanxhaktari, juriste në Kryeministri
Pamela Qirko, juriste në AMC
Alma Feskaj Vokopola, juriste në Kuvend
Lulzim Hamitaj, avokat në Romë
Olsi Komici, ish-punonjës në disa institucione i cili është hetuar dhe shpallur i pafajshëm për shpërdorim detyre.
Anëtarët zëvendësues:
Vojo Malo, avokat
Pal Shkëmbi-avokat dhe kryetar i Partisë Popullore Kristian Demokrate.
Komisionerët Publikë:
Herald Saraçi
Klodian Ballhysa
Zëvendësues:
Dariel Sina
Aldona Sylaj
Kolegji i Apelimit
Ardian Hajdari, avokat
Natasha Mulaj, ndihmëse ligjore e Gjykatës së Lartë
Sokol Çomo, anëtar i KLD
Ina Rama, ish Prokurore e Përgjithshme
Albana Shtylla, sekretare e Përgjithshme e Kuvendit dhe anëtare e KLD
Luan Daci, ish-kandidat për anëtar të Gjykatës së Lartë
Rezarta Schuetz, drejtoreshë juridike për OSBE në Shkup
Anëtarët zëvendësues:
Etleva Papleka
Mimoza Tasi
