Mund të përsëritet ngjarja e pak ditëve më parë në Torivicë, ku humbën jetën si pasojë e shembjes së një masivi shkëmbor 3 persona. Ky është alarmi që kanë ngritur banorët e fshatit Gjegjan në Pukë.
Banorët kanë thënë se një masiv shkëmbor rrezikon të bjerë nga lartësitë mbi tunelin e Gjegjanit.
Gjithashtu banorët kërkojnë të ndërhyhet për të realizuar shembje të kontrolluar, pasi në të kundërt pasojat mund të jenë fatale.
Sipas banorëve edhe më parë në tunelin e Gjegjanit ka pasur shembje të masivit shkëmbor, ku ka pasur edhe viktima.