Seanca plenare e sotme është shtyrë për në orën 17:00, njësoj si ndodhi edhe një javë më parë.
Pas vendimit të marrë nga kryetari i Kuvendit Gramoz Ruçi për përjashtimin nga seanca të deputetit demokrat Flamur Noka, ai dhe demokratët e tjerë kanë mbajtur të pushtuar foltoren.
Në rinisje të seancës pas 5-minutëshit pushim, Ruçi ka konstatuar se deputeti Falmur Noka i përjashtuar nuk kishte dalë nga seanca dhe për këtë arsye ka pezulluar seancën.
“Në kushte të tilla, jam i detyruar të njoftoj pezullimin e seancës për një kohë të caktuar, seanca rifillon në orën 17:00”, tha kreu i Parlamentit.
