Kryeministri Edi Rama ka mbajtur një konsultë publike për projekt-buxhetin e vitit 2018 në Vlorë këtë pasdite. Fillimisht, kreu i Qeverisë është ndalur tek projektet dhe investimet kryesore për 4 vitet e ardhshme të qeverisjes.
Në fjalën e tij, Rama ka nënvizuar se investimet do ta prekin Vlorën si qytet edhe si qark. Sa i takon qytetit, Rama ka premtuar rindërtimin tërësor të shkollës “Halim Xhelo”, si dhe nisjen vitin e ardhshëm të rindërtimit të bulevardit deri në Skelë.
Por ndërsa po dëgjonte problematikat e qytetarëve ai nuk ka nguruar pa shkëmbyer disa batuta me një ish-ushtarak.
Ish-ushtaraku: Tani këtu zoteritë qeshin, unë jetoj 25-vjet atje?
Rama: Ketë kishe ke pyetje tjetër?
Ish-ushtaraku: Këtë kisha. Urime dhe suksese.
Rama: Nuk po të bëj atë pyetje se sa femijë ke?
Ish-ushtaraku: Dy kam.
Rama: Me një pushkë apo me dy i bëre fëmijët
Ish-ushtaraku: Po si ushtarak ne shënojmë mirë. Po tani kemi dale në pension.
Rama: Ore me një gjuajte apo me dy?
Ish-ushtaraku: Po si të doni ju…
