Që në orët e para të ditës, Shqipëria dominohet nga moti i kthjellët nga ekstremi Verior deri në kufirin Jugor.
Edhe pjesa e dytë e ditës do të vijojë nën ndikimin e kthjellimeve në të gjithë territorin shqiptar, kushte që do të mbeten prezent në mbrëmje dhe gjatë orëve të natës.
Sipas “MeteoAlb”, temperaturat e ajrit do të ulen lehtë në orët e para të ditës por nuk priten ndryshime të ndjeshme në vlerat termike të mesditës duke ruajtur maksimumin termik prej 28°C.
Era do të fryjë mesatare me shpejtësi deri 30 km/h nga drejtimi perëndimor dhe për pasojë, në brigjet detare gjenerohet dallgëzim 1 – 2 ballë.
