Janë 729 studentë, të cilëve u janë njehësuar diplomat nga Ministria e Arsimit.
MAS u bën apel studentëve që të tërheqin diplomat e tyre. Nëpërmjet këtyre diplomave, çdo person mund të konkurojë më pas për vendet e lira të punës, apo të vazhdojë studimet Master në vend.
Udhëzimi i Ministrisë së Arsimit përcakton edhe mënyrën se si bëhet vlerësimi i dosjes së aplikantit, e cila më pas kalon para një komsioni qe përcakton nëse njihet ose jo diploma.
Vlerësimi i nivelit, profilit dhe drejtimit që përfshin një diplomë apo çertifikatë e caktuar, kryhet nga Komisioni i Njohjes për rastet: kur është pjesë e kuadrit të një marrëveshjeje ndërshtetërore, kur një diplomë është lëshuar nga një institucion i akredituar në një nga vendet e listuara në aneksin bashkëngjitur këtij udhëzimi. Po ashtu, kur për të njëjtin program studimi apo titull diplome lëshuar në të njëjtin shtet, një Komision i mëparshëm i MAS-it ka marrë një vendim njohje.
