(E plotësuar) - Takimi mes kryetares së LSI-së Monika Kryemadhi dhe kryedemokratit Lulzim Basha në selinë e PD-së ka zgjatur 40 minuta. Kryemadhi në takim shoqërohej nga Petrit Vasili.
Mësohet se në takim Kryemadhi dhe Basha do të mblidhen nesër në një tryezë në orën 11:00.
Takimi erdhi menjëherë pas daljeve në media ku dy krerët e partive më të mëdha opozitare denoncuan lidhjet e qeverisë me krimin.
Kryemadhi dhe Vasili takim me Bashën në selinë e PD-së
Monika Kryemadhi dhe Petrit Vasili kanë shkuar në zyrën e krydemokratit Basha në Selinë e PD mbrëmjen e sotme.
PD dhe LSI mesa duket kanë nisur menjëherë aksionin opozitar kundër krimit dhe lidhjes së politikës me trafikantët.
Mësohet se po diskutohet për tryezën e përbashkët të partive opozitare që pritet të zhvillohet nesër, të cilën Basha e njoftoi gjatë konferencës për shtyp.
Pas takimit në selinë e PD-së pritet prononcim për mediat.