Ligji për pakicat kombëtare, për ministrin Ditmir Bushati është instrumenti që do ti japë fund spekulimeve. Pas një takimi me përfaqësues të komunitetit serbo-malazez, Bushati tha se Ligji i shumëdebatuar, do të fotografojë përfundimisht realitetin shqiptar.
Edhe pse i shumë debatuar që pas miratimit të tij, ligji për pakicat kombëtare është vlerësuar nga ministri i jashtëm Ditmir Bushati, si një instrument që i jep fund spekulimeve të bëra deri me sot.
Pas një takimi me shoqatat e pakicave në Shkodër, Bushati tha se ligji fotografon përfundimisht realitetin Shqiptar.
Ditmir Bushati: Me këtë ligj, ne fotografojmë realitetin shqiptar dhe praktikën që është e akumuluar ndër vite, që me krijimin e shtetit modern shqiptar.
Ligji nuk ka të bëjë me reciprocitetin por me frymën e traditës Shqiptare dhe proceseve integruese euro-atlantike shton Bushati.
Ditmir Bushati: Bursa orientuese për miratimin e këtij ligji ka lidhje vetëm me traditën shqiptare, me angazhimet tona në strukturat europiane, në procesin e integrimin europian, me anëtarësimin tonë në kuadër të Këshillit të Europës.
Në takimin mes Ministrit dhe përfaqësuesve të pakicave u diskutua edhe për formen e përfaqësimit të pakicave në institucionet shteterore dhe cilat janë modalitetet që parasheh ligji. Ato kërkuan më shumë hapësira dhe një përmirësim të situatës së punësimit dhe trajtimit social.
