Policia e Sarandës ka arritur të identifikojë dhe sekuestrojë 15 kallëpë tritoli me një peshë prej 6 kilogramësh pranë një lagjeje të qytetit, e njohur si “Baba Rexhepi”.
Pavarësisht se sasia e madhe e eksplozivit u gjet ende nuk ka asnjë person të dyshuar si poseduesin e tritolit.
NJOFTIMI I POLICISE
Policia sekuestron 15 kallëpe tritol, me peshë 400 gramë secili, gjithsej 6 kilogramë.
Tritoli u gjet i fshehur në një thes mes disa shk?mbinjve dhe shkurreve në kodrën mbi lagjen ''Baba Rexhepi'' Sarandë.
Lënda shpërthyese u gjet pas kontrollit të imtësishëm të zonës të kryer nga Policia.
Kontrolli pas informacioneve të marra nga Policia në bashkëpunim me Agjencitë e tjera Ligjzbatuese, për një sasi lëndë shpërthyese të fshehur në kodrën mbi lagjen ''Baba Rexhepi''.
Policia në bashkëpunim me Prokurorinë dhe Agjencitë e tjera Ligjzbatuese po punon lidhur me dokumentimin e plotë ligjor të këtij rasti si dhe për identifikimin dhe kapjen e autorëve.
