Sillet me urgjencë në Tiranë një nga nxënësit e asfiksuar në Bulqizë - Bota Sot
Sillet me urgjencë në Tiranë një nga nxënësit e asfiksuar në Bulqizë

Shqipëria

E mërkurë, 13 dhjetor 2017

Sillet me urgjencë në Tiranë një nga nxënësit e asfiksuar në Bulqizë

Më: 17 nëntor 2017 Në ora: 15:37
Nxënësi i asfiksuar në Bulqizë

Njëri prej nxënësve që u asfiksuan nga rrjedhja e gazit në shkollën e Shupenzës në Bulqizë, po transportohet me helikopter në kryeqytet.

Ngjarja ndodhi paraditen e sotme, kur testimi i sistemit të ngrohjes me pelet, për pak sa nuk ka shkaktuar tragjedi në shkollën 9-vjeçare. Gjatë provës, ka pasur rrjedhje gazi nga kaldaja e godinës, duke shkaktuar asfiksi te nxënësit e 9-vjeçares.

Kaldaja e shkollës 9-vjeçare u provua sot për herë të parë në kohën kur nxënësit po zhvillonin mësimin.
Rrjedhja e gazit ka qenë e madhe dhe ka shqetësuar të gjithë fëmijët, me dhimbje koke dhe të vjella e disa dhjetëra prej tyre kaluan në gjendje më të rëndë.

Bashkë me prindërit e shqetësuar kanë mbërritur mjekët dhe policia, e cila ka nisur hetimet për shkakun dhe përgjegjësit për këtë ngjarje që mund të kishte shkaktuar tragjedi.

Njoftimi i policisë

Në vijim të informacionit paraprak ku bën fjalë për disa nxënës të një shkolle të mesme që janë asfiksuar si pasojë e tymit të shkaktuar nga kaldajat ju informojmë se :

34 nxënës po marrin ndihmë mjekësore në spitalin e Bulqizës dhe ndodhen jashtë rrezikut për jetën.

25 nxënës po marrin ndihmë mjekësore në spitalin e Peshkopisë, dhe ndodhen jashtë rrezikut për jetën.

Një nxënese me inicialet A.M, 16 vjeçe, është nisur me helikopter drejt Tiranës për ndihmë më të specializuar.

Sot mund të lexoni Shfletoni kopertinat
Sondazh
    test