Debati mes deputetit të PD-së, Agron Shehaj dhe atij të PS-së Erion Braçe ka degjeneruar sot në një përplasje fizike mes tyre gjatë punimeve në Komisionin e Ekonomisë në Kuvendin e Shqipërisë.
Burime nga mbledhja e Komisionit të Ekonomisë kanë treguar edhe momente nga sherri i dy deputetëve.
Ajo që ka ndezur deputetin socialist njëkohësisht edhe kryetar të Komisionit, ka qenë një deklaratë e bërë nga deputeti vlonjat, Agron Shehaj.
‘Je një hiç, ke 27 vjet që bën jetë milioneri në kurriz të shqiptarëve’, është shprehur Shehaj ndaj Braçes, i cili më pas ka marrë flakë duke sharë e bërtitur në mes të sallës së Komisionit ku kishte edhe deputete femra.
