Kryetari i partisë demokratike, Lulzim Basha vizitoi sot zonat e përmbytura në Fier.
Ndalesa e parë ishte në Darzezë, ku theksoi Basha, futja në fshat ishte e pamundur.
“Fshati i përmbytur ishte i izoluar nga shkatërrimi i rrugës. Transporti i banorëve bëhej me varka”, tha ai.
Basha përgëzoi ushtarët që po punonin për rivendosjen e lidhjes mes zonës së përmbytur dhe pjesës tjetër të Fierit.
Kryebashkiaku i Fierit, Armando Subashi e njohu Bashën me masat e marra për shpëtimin e njerëzve.
Basha u shpreh se tani që reshjet treditore janë në minimum, është emergjente ndihma me ushqime, veshje dhe strehim për zonat e përmbytura.