BSH do emetojë monedhë 10 mijë lekëshe me portretin e poetit tonë kombëtar Asdreni - Bota Sot
BSH do emetojë monedhë 10 mijë lekëshe me portretin e poetit tonë kombëtar Asdreni

Shqipëria

E shtunë, 16 dhjetor 2017

BSH do emetojë monedhë 10 mijë lekëshe me portretin e poetit tonë kombëtar Asdreni

Më: 6 dhjetor 2017 Në ora: 21:36
Banka e Shqipërisë

Banka e Shqipërisë do të hedhë së shpejti një kartëmonedhë 10 mijë lekëshe. Kartëmonedha do të ketë portretin e poetit tonë kombëtar Asdreni, simbole të flamurit kuq e zi, si dhe një varg të zgjedhur nga himni ynë.

Vendimi i Këshillit Mbikëqyrës të BSH:

Miratimin e tematikës së kartëmonedhës shqiptare me kurs ligjor me vlerë 10000 lekë

Vendimi miratoi tematikën që do të pasqyrohet në kartëmonedhën shqiptare me kurs ligjor me vlerë 10000 lekë. Kjo kartëmonedhë do të pasqyrojë figurën e poetit të njohur shqiptar, Asdrenit, kombinuar me simbolet figurative të “Flamurit Kombëtar”, si dhe një varg të zgjedhur nga “Himni Kombëtar”, që njihet edhe si HIMNI I FLAMURIT “Rreth flamurit të përbashkuar/me një dëshir e një qëllim”. Krahas kësaj, u miratuan tekstet shoqëruese që lidhen me emrin e bankës, vlerën nominale, si dhe u miratuan përmasat e kartëmonedhës.

Këshilli Mbikëqyrës u njoh dhe me informacione të tjera të lidhura me veprimtarinë e përditshme funksionale dhe operacionale të Bankës së Shqipërisë.

Sot mund të lexoni Shfletoni kopertinat
Sondazh
    test