Ende nuk është zgjidhur ngërçi mes palëve politike për zgjedhjen e kryeprokurorit të ri por një gjë është e sigurt: Mandati i Adriatik Llallës ka përfunduar dhe është hapur gara për zgjedhjen e kryeprokurorit të ri të përkohshëm.
Një nga kandidaturat e përfolura është edhe emri i Arta Markut, mëson newsbomb.al. Aktualisht Marku është prokurore në Prokurorinë e Shkodrës.
Emri i Markut është lakuar edhe në listën e parë të prokurorëve të cilët po kalojnë në “skanerin” e vettingut. Arta Marku njihet si një prokurore tejet heremetike, e kujdesshme për të mbetur jashtë vëmendjes mediatike e opinionit publik.
Burimet i thanë newsbomb.al se prokurorja e cila po synon postin e kryeprokurores së përkohshme, është njëherazi mikeshë e mirë me disa prej zyrtarëve të mazhorancës. Shumë shpejt pritet që emri i saj t’i shkojë Kuvendit si kandidaturë zyrtare.
