Ish-deputetja e PD-së Majlinda Bregu, ka reaguar ditën e sotme, për ceremoninë me rastin e 27 vjetorit të themelimit të Partisë Demokratike.
Përmes një statusi në profilin e saj, Bregu sqaron se ftesa në adresë të saj, ishte një formalitet për qokë ndaj kreut të PD-së Lulzim Basha.
Për Bregun, dita e sotme, nuk mund të jetë një ditë bashkimi, pasi sipas saj, ende nuk është reflektuar për ndarjen dhe fyerjet që Basha ka bërë ndaj demokratëve dhe disa figurave të PD-së.
Reagimi i Bregut:
Ftesa per sot ishte nje formalitet per qoke ndaj Lulzim Bashes. Une qoke ne shtepine time nuk bej dot.
Kjo e sotmja nuk mund te jete dita e bashkimit. Sepse premtimi i sotem per bashkim, gare e reflektim s’eshte asgje tjeter vecse farsa e radhes.
Sepse bashkimi nuk ka sesi te vije pa reflektuar me pare per ndarjen e pa marre me pare pergjegjesine per fyerjen qe u eshte bere demokrateve apo dhe per katandisjen qe iu be Shqiperise pas 27 viteve demokraci, duke e lene ne pike ta hallit, sic nuk ka qene kurre me para PA OPOZITE!!
Dhe meqe une s’ jam as tek themeluesit, as tek permbaruesit, zgjodha te mos shkoj.