Presidenti i Republikës së Shqipërisë, Ilir Meta ka uruar Partinë Demokratike me rastin e 27 vjetorit të themelimit të kësaj force politike.
Në mesazhin e Metës thuhet se PD është forca e parë opozitare në vend dhe i uron suksese në përmbushjen e përgjegjësive për të ardhmen europiane të vendit.
“Në këtë përvjetor të themelimit të Partisë Demokratike, si forca e parë opozitare në vend, kam kënaqësinë t’i uroj kësaj partie, lidershipit, anëtarëve dhe simpatizantëve të saj, suksese në përmbushjen e përgjegjësive tepër të rëndësishme për të ardhmen europiane të vendit”- thuhet në mesazhin e Metës.
