Pavarësisht se dita e sotme u karakterizua me një rritje të ndjeshme të temperaturave, shiu dhe bora pritet të rinisin sërish ditën nesër.
Ato do të fillojnë që pasditen e sotme, me reshje të dobëta në qarkun e Shkodrës, Kukësit, Dibrës dhe Lezhës, njofton Instituti i Gjeoshkencave.
Por të nesërmen do të pushtojnë mbarë vendin.
Reshjet do të bëhen intensive në qarkun e Shkodrës dhe Kukësit, dhe do të jenë në formë dëbore në zonat e larta malore.