Gjykata e Krimeve të Rënda rrëzoi kërkesën e Artur Zotos për lirimin e tij, përmes ndryshimit të masës së sigurisë “arrest me burg”.
Ish drejtori i burgjeve, që akuzohet për korrupsion, do të vazhdojë të qëndrojë në qeli.
Në seancën e sotme gjykata administroi provat shkresore të Prokurorisë. Mes tyre janë edhe praktika e tenderimit për furnizimin e burgjeve me ushqimeve, tender i datës 31 maj 2016.
Po ashtu u administruan dhe procesverbalet e vëzhgimeve ambientale dhe telefonike. Gjatë seancës doli në dritë fakti që, ish nëndrejtorit te burgjeve Iliaz Labi, gjate kontrollit në banesë i është gjetur një armë në shtëpi. I pandehuri Artur Zoto gjatë seancës së sotme u tërhoq nga kërkesa për të pyetur si dëshmitar ish- ministrin e drejtësisë, Ylli Manjani.
