Deputeti demokrat Eduart Halimi shprehet se realizimi i skenarit të kapjes së Prokurorit të Përgjithshëm nga Edi Rama e çon opozitën pa shumë zgjidhje e fantazi, në pikën ku duhet të marrë vendimet më të forta. Halimi shprehet se kush mendon se opozita do i thotë aferim Kryeministrit për kapjen e Kryeprokurorit e ka gabim.
“Vendi ndodhet në prag të një krize politike dhe kryeministri po e shtyn vendin pa asnjë hezitim drejt saj. Po e shtyn me arrogancë dhe harbutëri duke e lënë opozitën pa shumë zgjidhje. Nuk është i pari që po tregohet arrogant me pushtetin: fitova zgjedhjet i marr të gjithë pushtetet. Shembuj ka plot. Afër nesh dhe po aq më shume në vende larg nesh. Por fundi ka qenë i njëjtë.
Kush mendon se opozita do i thotë aferim kryeministrit për kapjen e Prokurorit të Përgjithshëm e ka menduar gabim...
Unë sot nuk e di se cfarë vendimi do të duhet të marrë opozita nëse ky skenar realizohet, por di të them se ky skenar e çon opozitën në cep, pa shumë zgjidhje, pa shumë fantazi, në pikën ku duhet të marrë vendimet më të forta...”, shkruan Halimi në rrjetet sociale.
