Ngjarja e muajit tetor në Elbasan, ku disa persona përplasën me makinë patrullën e policisë, duket se është kthyer sërish për rigjykim.
Sipas burimeve të “Panorama”, nga Prokuroria e Elbasanit konfirmohet se dosja është marrë për rishqyrtim nga kjo e fundit.
Prokuroria e Elbasanit ka ridërguar për hetim pranë Prokurorisë për Krime të Renda aktet për vijimin e hetimeve për Enea Bekteshin dhe Kelmend Xhaferrin, bëjnë të ditur burimet pranë organit të akuzës.
Këta persona dyshohet se janë përgjegjës për përplasjen me efektivet e policisë. Prokuroria e Elbasanit e ka rikthyer dosjen te prokuroria për Krime të Rënda, për shkak se moskompetenca e shpallur nga ajo prokurori nuk është konfirmuar në Gjykatën e Krimeve të Rënda, në bazë të ndryshimeve të reja të Kodit të Procedurës Penale.
Ndërkohë, për personat e tjerë, të përfshire në mënyre indirekte në këtë ngjarje, hetimi po vijon nga Prokuroria e Elbasanit. Për këta personat e tjerë, me kërkesë të Prokurorisë Elbasan, gjykata e Elbasanit konfirmoi masën e sigurisë “arrest me burg”.