Ja sa persona humbën jetën në rrugët e Shqipërisë, bilanci i Policisë Rrugore

Shqipëria

Ja sa persona humbën jetën në rrugët e Shqipërisë, bilanci i Policisë Rrugore

Më: 29 dhjetor 2017 Në ora: 09:27
Foto ilustrim

Viti 2017 ka qenë viti me numrin më të ulët të personave që kanë vdekur nga aksidentet rrugor. Drejtori i Përgjithshëm i Policisë Rrugore, Mitat Tola në studion e lajmeve të Ora News bëri një bilanc për vitin që po lëmë pas. Sipas tij në 2017 kanë vdekur 215 persona nga aksidentet rrugore, një shifër kjo më e ulët duke e krahasuar me 270 që ka qenë vitin e kaluar.

Tola thae se po në vitin 2017 janë ndëshkuar 1800 drejtues mjetesh në gjendje të dehur për të cilët ka nisur edhe ndjekja penale. Drejtori i Përgjithshëm i Qarkullimit Rrugor tha se masat e policisë në natën e ndërrimit të viteve do të përqendrohen pikërisht në këtë drejtim.

Ai u shpreh se fokusi i policisë rrugore në 2018 do të jetë kontrolli dixhital i akseve rrugore në të gjithë territorin e vendit.

Sot mund të lexoni Shfletoni kopertinat