Një zjarr ka rënë paraditen e së dielës në katedralen “Ringjallja e Krishtit” në Korçë, vetëm pak minuta pasi presidenti i vendit Ilir Meta është larguar prej aty. Meta ka qenë i pranishëm në ceremoninë dhe meshën e mbajtur me rastin e ditës së ujit të bekuar.
Sikurse bëhet me dije, zjarri është shkaktuar në zonën e ndezjes së qirinjve dhe mendohet se ka qenë ky shkaku, por më pas është përphapur jo masivisht në pjesën e brendshme të katedrales. Zjarrfikësja bëri të mundur fikjen e zjarrit, që mendohet se ka shkaktuar dëme të lehta në pjesën e brendshme të mureve te katedrales.
Mësohet se flakët nisën në pjesën e brendshme, në vendin ku ndizen qirinjtë, pas mbajtjes së meshës ku ka qenë i pranishëm Presidenti Meta.
Në vendin e ngjarjes mbërritën menjëherë zjarrfikësit, të cilët lokalizuan flakët.
