Paraditen e sotme ambasadori i Austrisë, Johann Sattler dhe ai i Suedisë, Johan Ndisi patën një takim me kryeprokuroren Arta Marku.
Në një njoftim të shkurtër ambasada austriake bën me dije se me reformën në drejtësi dhe luftën kundër krimit të organizuar e korrupsionit në nivel të lartë, 2018 mund të jetë vit transformues për Shqipërinë.
“Nisje e mbarë e 2018 për Ambasadorin Sattler duke takuar Prokuroren e Përgjithshme të re Arta Marku, së bashku me Ambasadorin e Suedisë Johan Ndisi. Me reformën në drejtësi dhe luftën kundër krimit të organizuar/korrupsionit në nivel të lartë, 2018 mund të jetë vit transformues për Shqipërinë”, bën me dije ambasada.
