Sekretari i Përgjithshëm i Partisë Demokratike, Arben Ristani, ndërsa mori pjesë në 27 vjetorin e themelimit të degës së PD-së në Berat bëri thirrje për pjesmarrje masive në protestën e opozitës në 27 janar para Kryeministrisë.
Ristani: T'u prijmë njerëzve tanë dhe t'u bëjmë thirrje edhe të tjerëve që të bashkohen me ne.Është koha për protestë, është leksioni i marrë nga 50-vjeçari i diktaturës komuniste, nuk mund ta lëmë të përsëritet. Këtë mund ta bëjmë vetëm duke u prirë protestave dhe duke i zhvilluar protestat që të mos lëmë Ramën të vjedhë demokracinë. Nuk presim që ta rrëzojmë që ditën e parë, por presim të kemi pjesmarrje që të tregojmë se jemi bashkë me njëri-tjetrin, të tregojmë se jemi shumë, të tregojmë që revolta jonë është, zëri ynë është, që ne ekzistojmë, që ne jemi të fortë, që ne mund t'ia dalim.