Një person ia ka dalë të grabisë përmes dhunës një shumë të konsiderueshme parash në një dyqan në Rrugën e Durrësit.
Ngjarja ka ndodhur gjatë mbrëmjes së djeshme, e martë, në Rrugën e Durrësit.
Një person i panjohur ka vjedhur me dhunë dyqanin butik në administrim të 18-vjeçares K.B., banues në Tiranë.
Mësohet se i dyshuari pasi ka goditur shitësen, ka marrë disa bizhuteri dhe një shumë lekësh.
Ndërkaq, policia po punon për identifikimin dhe kapjen e autorit, apo personave të tjerë që mund të kenë bashkëpunuar në grabitje.