Pas takimit në Kretë mes dy ministrave të Jashtëm, Ditmir Bushati dhe Nikos Kotzias takimi i radhës mes palëve do të nisë sot në qytetin e Korçës.
Takimi vjen në vazhdën e bisedimeve mes palëve për çështjet që ende nuk kanë gjetur dakortësinë siç është ai i ligjit të luftës apo dhe çështje të tjera lidhur me kufirin dhe minoritetin grek në vendin tonë.
Kotzias pritet të mbërrijë në territorin shqiptar nga pika kufitare e Kapshticës në mesditë, ndërsa mësohet se ai do të qëndrojë në vendin tonë për tri ditë. Ministrat shoqërohen nga i njëjti delegacion që ishte edhe pjesë e takimit në Kretë.
