Ambasada Amerikane në Tiranë ka reaguar ditën e sotme lidhur me kërkesën e PD-së dhe LSI-së për të ndryshuar Kushtetutën për zgjedhjen e kryeprokurores Arta Marku.
Përmes një postimi në profilin e saj në ‘Facebook’, Ambasada e SHBA-së thotë se mbështet EURALIUS dhe se OPDAT për kontributin që i ofruan parlamentit shqiptar për zgjedhjen e prokurorit.
“Kushtetuta dhe ligji për Prokurorinë janë të qarta. Ambasada e SHBA mbështet opinionin ligjor që OPDAT dhe EURALIUS i kanë dhënë Parlamentit.”, shkruhet në postimin e ambasadës.
Deklarata e ambasadorit të SHBA vjen pas propozimit të opozitës për ndryshimin e Kushtetutës në mënyrën se si mund të zgjidhet Prokurori i Përkohshëm, duke përcaktuar edhe shkarkimin e Arta Markut.
Deputetë të PD dhe LSI kanë mbledhur firmat për të ndryshuar Kushtetutën dhe ligjin, në bazë të të cilit zgjidhet Prokurori i Përgjithshëm.
