Qeveria ka miratuar një vendim më 22 nëntor 2017, i cili nuk është publikuar në faqen zyrtare si shumë vendime të tjera të miratuara në atë mbledhje të këshillit të ministrave. Vendimi në fjalë mban nr 822 dhe përmes tij urdhërohen ministrat që për ditë të shënuara, festash, përkujtimore etj, realizimi i dekorit të institucioneve që drejtojnë të bëhet nga Bashkia e Tiranës, shkruan Syri.net.
Vendimi i është propozuar qeverisë për miratim nga ministri i Jashtëm,Ditmir Bushati. Ndërkohë që marrëdhëniet ndërmjet Bashkisë së Tiranës dhe Ministrive për këto çështje rregullohen me udhëzim të ministrit të Financave dhe Ekonomisë.