Aldison Belulaj, 23 vjeçar nga Fieri që ditën e djeshme tronditi gjithë vendin pasi vrau me armë zjarri një vajzë të re pasi refuzoi të lidhej me të e më pas qëlloi drejt vetes ndodhet në gjendje shumë të rëndë shëndetësore në spital.
Mjeku i Spitalit të Traumës në një deklaratë për media ka dhënë detaje rreth gjendjes së 23-vjeçarit i cili aktualisht është në gjendje kome. Sipas mjekut, i riu ka dëmtime serioze në pjesën ballore të fytyrës dhe veçanërisht në pjesën trurit pasi ka qëlluar dy herë në drejtim të vetes.
Aldison Belulaj qëlloi për vdekje 22-vjeçaren Arjela Murati, të dy nga fshati Zharrëz i Fierit, pasi kjo e fundit nuk kishte pranuar të lidhej me të. Më pas i riu kishte shtënë dy herë në drejtim të vetes në pjesën e kokës, por ka mundur të mbijetojë.