Deputetët e LSI i bashkohen protestuesve në Fier: Rama fsheh interesa mafioze pas inceneratorit
Protesta është përshkallëzuar edhe në përplasje e konfrontim me policinë e cila ka ushtruar dhe dhunë tek disa qytetarë.
Pak orë më parë kryetarja e LSI-së Monika Kryemadhi i bëri thirrje deputetëve dhe mbështetësve të LSI-së që ti qëndronin pranë protestuesve dhe banorëve të fshatit Vërri, dhe ashtu ka ndodhur. Deputetët Endrit Braimllari e Kejdi Mehmetaj kanë shkuar në Fier për një takim me banorët që kundërshtojnë ngritjen e inceneratorit të plehrave.
Dy deputetë e rinj kanë deklaruar se tashmë është e ditur që qeveria fsheh pas ndërtimi të inceneratorit interesa klientelishte dhe kriminale.