Pas debateve të forta me të cilat u shoqërua mbledhja e sotme e Komisionit të Ekonomisë, për kontratën e aeroportit të Vlorës, opozita nuk ka votuar, duke e quajtur kontratën të papranueshme.
Por ka qenë një votë e demokratëve që ka shkuar pro kësaj kontrate për aeroportin e ri të vendit.
Ka qenë deputeti PD-së, Agron Shehaj, ai i cili ka dhënë votën e tij bashkë me socialistët pro projektit në fjalë.
Në mbledhjen e Komisionit ishin të pranishëm edhe ministrat Damian Gjiknuri dhe Arben Ahmetaj, të cilët u janë përgjigjur interesit të deputetëve për këtë kontratë.