Një person i cili ka tentuar t’i shpëtojë postbllokut të policisë është arrestuar mbrëmjen e sotme nga Blutë e Shkodrës.
Bëhet me dije se ndalimi ka ndodhur zonën e Unazës Lindore, ku shtetasi Danjel Bunaj nga Laçi ka tentuar që t’i largohet postbllokut të policisë.
Në përpjekje për të shmangur forcat Shqiponja ai është përplasur me furgonin e tyre.
Mandej, 22-vjeçari ka humbur kontrollin ne mjetin e tij duke tentuar të futet në një kthese për të ikur në drejtim të paditur.
I riu ka përfunduar në prangat e policisë dhe po merret në pyetje.