Përmbytjet nga Vjosa, Leli: Banorët të jenë në gatishmëri, të largohen nga zonat e rrezikuara - Bota Sot
Përmbytjet nga Vjosa, Leli: Banorët të jenë në gatishmëri, të largohen nga zonat e rrezikuara

Shqipëria

E diel, 19 gusht 2018

Përmbytjet nga Vjosa, Leli: Banorët të jenë në gatishmëri, të largohen nga zonat e rrezikuara

Më: 4 shkurt 2018 Në ora: 12:37
Kryetari i bashkisë së Vlorës, Dritan Leli

Kryetari i bashkisë së Vlorës, Dritan Leli ishte i pranishëm në Urën e Mifolit në Novoselë ku pa nga afër situatën nga përmbytjet. Ai i bëri thirrje të gjithë banorëve që të jenë gatishmëri dhe të largohen nga zonat që preken nga rreziku i përmbytjeve.

“Jemi në urën e Mifolit në zonën e Novoselës, situata pas reshjeve të djeshme kanë filluar të agravohet. Janë përmbytur shtëpitë e para që prek dalja nga shtrati. Shtëpitë janë evakuuar që dje. Ne kemi qenë me Shtabin e Emergjencave gjatë gjithë natës.

Forcat e policisë me megafon lajmëron banorët që të tërhiqen nga banesat e tyre sidomos në zonat më të rrezikshme.

Niveli i Vjosës në Urën e Vjetër nuk ka kaluar si në dhjetor, megjithatë priten prurje. I bëj apel banorëve që të rrisin gatishmërinë, të ngjisin moblijet nga katet e para në katet më lart, të largojnë gjënë e gjallë nga zonat që përmbyten.

Jemi duke marrë të gjitha masat për të gjitha komunitetin, por e rëndësishme është rritja e gatishmërisë dhe zhvendosja e banorëve nga zonat e rrezikuar.

Nga njoftimet që kemi precipitimi i situatës ka qenë më i shpejtë se në dhjetor. Reshjet e kësaj herë janë në zonën e jugut të Shqipërisë.”-tha Leli.

Komentet
comments powered by Disqus
Sot mund të lexoni Shfletoni kopertinat
Sondazh
test