Punonjësit debitorë, Prefekti i Lezhës paralajmëron me largime nga puna - Bota Sot
Punonjësit debitorë, Prefekti i Lezhës paralajmëron me largime nga puna

Shqipëria

E premte, 25 maj 2018

Punonjësit debitorë, Prefekti i Lezhës paralajmëron me largime nga puna

Më: 8 shkurt 2018 Në ora: 22:36
Prefekti i Lezhës Gjergj Prendi

Reforma e ujit ka vënë në shënjestër punonjësit e administratës të cilët janë debitorë ndaj këtij shërbimi.

Në Lezhë prefekti ka paralajmëruar se çdo punonjës që është debitor do të largohet nga puna.

Prefekti i Lezhës Gjergj Prendi, ka paralajmeruar për largim nga puna të gjithë punonjesit e administrates shtetërore që nuk kanë paguar detyrimet ndaj Ujësjellësit.Këtë deklarate Prendi e bëri gjatë një takimi me drejtuesit e insitucioneve në nivel qarku, ku në fokus të diskutimeve ishte reforma e ujit.

 “Ai nënpunës, le më ai drejtor, por ai nënpunës që nuk ka shlyer detyrimet, nesër nuk do të jetë në punë. Kjo është shumë e qartë. Nuk është e ndershme, as ligjore, as etike, as e moralshme, që të shkojmë te qytetari, kur ne vetë nuk jemi më korrketët” – tha prefekti.

Në te njejten linjë ka qenë edhe përfasuesi i Ministrisë së Tranportit dhe Energjisë Arben Musaj, i cili tha se shumë insitucione dhe punonjes të tyre janë debitore ndaj ujësjellasve në Qarkun Lezhë.

Arben Musai, përfaqësues i Ministrisë së Transportit dhe Energjisë u shpreh:

“Jo vetëm drejtuesit, por dhe shumë punonjës na rezulton ser nuk kanë paguar detyrimet. Kjo gjë nuk duhet të ndodhë më”.

Nën Kryetari i Bashkisë Lezhë Enver Hafizi, u shpreh se kjo njesi vendore po ndërton një marreveshje me ndërmerrjen e Ujesjellës-Kanalizime për shlyrjen e detyrimeve.

“Bashkia Lezhë ka nisur formalizimin e gjitha institucioneve që kemi pasur në fshatra. Njëkohësisht janë ngritur dy grupe pune në qytete dhe në njësitë administrative. Grupi i punës ka nisur sidomos me shkollat”.- tha Hafizi.

Task-Forca e ngritur për ujin në Lezhë ka nisur veprimin në terren ku fillimisht po kalojnë në sitë insitucionet shtetëtore dhe bizneset, për të vijuar më pas me konsumatoret familjar.

Sot mund të lexoni Shfletoni kopertinat
Sondazh
test