Presidenti i Greqisë, Prokopis Pavlopulos, nuk ka ndërmend t’i ndalë deklaratat e tij rreth Çështjes Çame. Gjatë një takimi me homologun e tij gjeorgjian Giorgi Margvelashvili, ai i ka hedhur sërish benzinë zjarrit.
“Së fundmi mbështesim dhe rrugën e mikes sonë, Shqipërisë. Por dua të shtoj se kjo mbështetje do të bëhet në respektimin e plotë të së drejtës ndërkombëtare dhe asaj evropiane, duke mos lënë mënjanë dhe respektimin e të drejtave themelore të njeriut që kanë të bëjnë me respektimin e të drejtave të minoriteteve dhe të drejtës së pronës. Së fundmi, çështjet e ngritura nga udhëheqja shqiptare me pretendime të pabaza për bashkëpunëtorët e vjetër me nazistët, nuk favorizon miqësinë tonë dypalëshe, ashtu sikurse dhe në avancimin e vendit fqinj drejt rrugës evropiane”, ka deklaruar presidenti grek.
Në qëndrimin e mbajtur rreth kësaj çështjeje, presidenti Ilir Meta theksoi se “Pavlopulos nuk është ne sintoni me Bushatin e Kotzias. Deklaratat e tij nuk i përgjigjen partneritetit. Ne duhet të ruajmë qetësinë dhe respektin reciprok”.