Gjatë këtij viti në Shqipëri do të hartohet për herë të parë një projekt-ligj të mirëfilltë për të rinjtë.
Kjo ishte një nga pikat kryesore të diskutimit mëngjesin e sotëm ku përmes një takimi informal me gazetarët u diskutuan prioritetet dhe projektet themelore që do të realizohen këtë vit për rininë.
Të pranishëm në këtë prezantim ishin zv/ministri i Arsimit. z. Shpat Kolgega dhe Drejtoresha e Shkr, znj. Lorena Haxhiu të cilët paraqitën platformën e prioriteteve, puna për të cilia sipas tyre ka nisur.
Sipas zv/ministrit të arsimit hartimi i këtij drafti për projektligjin për rininë do të ketë konsultime me organizatat rinore dhe të rinjtë e më pas përfshirja e mendimeve të tyre në draft.
Një tjetër prioritet do të jetë e hapja e tre qendrave rinore të reja në të gjithë vendin, ku tre të tjera janë aktualisht funksionale në tre qytete të tjera.
Ndërsa Drejtoresha e Shkr, znj. Lorena Haxhiu theksoi se e rëndësishme është se tashmë të rinjtë janë vendosur në qendër të këtyre aktiviteteve si dhe organizimi për herë të parë i Panairit të Organizatave Rinore në Shqipëri.