Reshjet e dendura të shiut që kanë përfshirë pasditen e sotme territorin e vendit, kanë shkaktuar përmbytje në autostradën Tiranë-Durrës, dhe qytetin bregdetar.
Mësohet se prani uji ka në dy anët e rrugës, ndërkohë që është vështirësuar ndjeshëm qarkullimi i automjeteve.
Në Durrës, qytetarët dhe tregtarët raportojnë se përveç rrugëve të bllokuara, uji ka depërtuar edhe brenda bizneseve në katet e para të ndërtesave.
Të gjitha zonat kryesore të qytetit, shëtitorja Taulantia, rruga “Aleksandër Goga”, zona tek stacioni i trenit, lagja nr.13, Shkozeti janë të gjitha nën ujë.
Nuk është hera e parë që autostrada Tiranë-Durrës përmbytet, ku më e rënda ishte ajo e ndodhur në fund të vitit 2017, që shkaktoi një dëm të madh në biznese.
