Një ngjarje e rëndë ka ndodhur në Korçë, ku një i moshuar është plagosur dhe ndodhet në gjendje kritike për jetën.
Burime nga policia lokale thanë se një ditë më parë në Spitalin e Korçës është çuar i dëmtuar 73-vjeçari me inicialet H. H., banues në fshatin Xerie.
Sipas deklarimeve të familjarëve të tij dhe nga veprimet e para hetimore rezulton se ky person ishte rrëzuar aksidentalisht (duke kullotur bagëtitë) pranë vendit të quajtur “Shkëmbi i Kishës”.
Ai është sjellë me urgjencë në spital, ku ka marrë ndihmën e parë.
Pas ndihmës së marrë në Spitalin e Korçës, i moshuari është transportuar në Tiranë, për mjekim më të specializuar.
Dosja i ka kaluar Prokurorisë së Korçës për ngjarje aksidentale.