(E plotësuar) - Një shpërthim i fuqishëm tronditi sot Tiranën, dhe në fillim u fol për shpërthim tritoli, por policia e hodhi poshtë këtë version duke thënë se ngjarja ishte aksidentale.
“Shtetasi Gentian Hoxha ishte duke punuar në dyqanin e tij dhe derën e jashtme e kishte të mbyllur dhe shpërthimi ka ndodhur në tavolinën e punës. Grupi hetimor ndodhet në vendngjarje dhe po punon për sqarimin dhe zbardhjen e plotë të rrethanave të ngjarjes”, thotë policia në njoftimi zyrtar per mediat.
Por burime të tjera nga grupi hetimor thanë se ka dyshime të forta se 34-vjeçari ka qenë duke përgatitur një material shpërthyes. Sipas hetuesve dyshohet se Gentian Hoxha montonte mina me celular dhe lënda plasëse i ka shpërthyer aksidentalisht në dorë. Gjithsesi hetimet po vazhdojne per te zbardhur te plote kete ngjarje qe tronditi banoret e Rrugës se Elbasanit.
Njoftimi i policisë
Më datë 12.03.2018, rreth orës 10:40, në rrugën ” Qamil Guranjaku ” në një dyqan celularësh në pronësi të shtetasit G.H., 34 vjeç, i cili ishte duke punuar dhe ne pune e siper ka ndodhur nje shperthim nga lende ende e papercaktuar.
Si pasoje është dëmtuar shtetasi G.H i cili u transportua në spital dhe ndodhet nën kujdesin e mjekëve.
Nga shpërthimi ka dhe dëme materiale.
Theksojmë paraprakisht se shtetasi G.H ishte duke punuar në dyqanin e tij dhe derën e jashtme e kishte të mbyllur dhe shpërthimi ka ndodhur ne tavolinen e punes.
Grupi hetimor ndodhet në vendngjarje dhe po punon për sqarimin dhe zbardhjen e plotë të rrethanave të ngjarjes
* * * *
Këto janë pamjet e rënda pas shpërthimit të eksplozivit pranë ambasadës amerikane në Tiranë, që dyshohet se i është vënë një dyqani celularësh.
Të plagosur janë dy punonjësit e servisit: Gentian Hoxha (në foto) 26 vjeç dhe një person tjetër, ende i paidentifikuar.
Hoxha është në gjendje të rëndë; ai dërguar me shpejtësi tek Spitali i Traumës. Ka pësuar djegie në trup dhe fytyrë ashtu si dhe personi tjetër.
Shpërthimi ka ndodhur pranë ish-Drejtorisë së Higjenës dhe në një zonë shumë të populluar.
***
Një shpërthim me lënë plasëse ka ndodhur në një dyqan pranë Drejtorisë së Higjienës në Tiranë.
Ky institucion ndodhet shumë pranë Ambasadës Amerikane në kryeqytet, që ndodhet në Rrugën e Elbasanit.
Nga raportimet e para mësohet se nga shpërthimi me lëndë eksplozive të dyshuar tritol, mësohet se kanë mbetur të plagosur dy persona.
Identiteti i tyre nuk bëhet i ditur. Ndërkaq policia e mbërritur në vendngjarja pritet të japë detajet e para në lidhje me këtë ngjarje.