Ish-ministri socialist Marko Bello përmes një komenti në rrjetet sociale ka reaguar ndaj prezantimit që Kryeministri Edi Rama i bëri projektit për teatrin e ri Kombëtar, ku në sallë ishin të pranishëm edhe disa nga aktorët dhe artistët.
“Dje u bëmë dëshmitarë të një skene të trishtë kur aktorët e Teatrit Kombëtar, të mësuar një jetë në skenë u përdoren thjeshtë si fasadë nga shefi i qeverisë”, shkruan Bello.
Postimi i Marko Bellos
Kur politika bëhet arrogante
Ka kohë që politikanët tanë flasin pa fund, duke dëgjuar fare pak ose aspak qytetarët, të cilët të dëshperuar u drejtohen emisioneve të mëngjezit për problemet që i shqetësojnë.
Dje u bëmë dëshmitarë të një skene të trishtë kur aktorët e Teatrit Kombëtar, të mësuar një jetë në skenë u përdoren thjeshtë si fasadë nga shefi i qeverisë.
Ndërkohë ligje apo vendime të parlamentit apo institucioneve të ekzekutivit miratohen pa u konsultuar dhe debatuar me grupet e interesit, në mungesë të transparencës dhe në dëm të interesit publik.
“Kur një popull frikohet nga qeveria e tij – atëherë aty ka tirani. Kur qeveria i frikohet popullit të vet – atëherë aty ka liri!”, ka thene dikur Thomas Jefferson
