Brikel Shërniku u vu në pranga e policisë së Lezhës pasi u kap në flagrancë me makinën e mbushur plot me kanabis..
Sipas policisë u sekuestruan rreth 41 kilogramë lëndë narkotike Cannabis Sativa.
Lënda narkotike u kap gjatë transportimit me një mjet tip Benz që drejtohej nga shtetasi Brikel Shërniku, 37 vjeç, banues në Lezhë, në rrugën dytësore që të çon në fshatin Kallmet Lezhë.
Materialet i kaluan për ndjekje të mëtejshme Prokurorisë pranë Gjykatës së Shkallës së Parë Lezhë, në ngarkim të këtij shtetasi për veprën penale të “Prodhim dhe shitje të narkotikëve”, parashikuar nga neni 283/1 i Kodit Penal.