Mbrëmjen e djeshme si pasojë e një aksidenti tragjik në Gjirokastër humbi jetën 25-vjeçari Klajdi Ngjelina.
Teksa ngiste një zetor i riu humbi jetën, viktimë mbeti edhe babai i tij, ndërsa u plagos nëna.
Ngjarja ndodhi dje shumë pranë urës së Kardhiqit, në rrugën Gjirokastër-Tepelenë, ndërsa zetori u përplas me një makinë.
Përmes një statusi në faqen e saj të ‘Facebook’-ut kushërira e tij shkruan fjalë prekëse.
“Do na mungosh zemra motrës, do më marrë malli të dëgjoj zërin sa herë vije në lagje e më thërrisje poshtë ballkonit gjithmonë i buzëqeshur, duke me pyetur si të ka vëllai? Ambrit që sa të shihte ty apo makinën tënde me vrap rendte drejt teje e ti e pushtoje në përqafim e puthje. Sa lot kemi derdh për ty sot, sa ka qarë Ambri se e doje e të donte shumë. Ishe kaq i dashur, kaq i mirë, i çiltër, pyes veten pse jeta është kaq e padrejtë? O engjëll që ike në lule të rinisë pa e jetuar dhe shijuar atë. Gjithmonë do mbetesh i paharruar Klajdi Ngjelina” shkruan ajo.