Një aksident i rëndë raportohet të ketë ndodhur pasditen e sotme në aksin rrugor Fushë-Krujë – Vorë.
Mësohet se në aksident janë përfshirë dy trailera, njëri me targa nga Shqipëria e tjetri nga Kosova, të cilët janë përplasur me një veturë.
Paraprakisht raportohet si si pasojë e përplasjes së tre mjeteve dy persona kanë mbetur të plagosur.
Këta të fundit janë nisur me urgjencë drejt spitalit dhe nuk dihet gjendja e tyre shëndetësore.
Aksidenti ka shkaktuar trafik të rënduar në aksin rrugor.
Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
