Kryetari i Komisionit për Evropën në parlamentin gjerman, Gunther Krichbaum bëri një koment në rrjetin social Facebook një ditë më parë.
Por ai u interpretua si një përçarje mes konservatorëve gjermanë.
Më saktë, mediat thanë se Merkel mendon ndryshe nga ai kur bie fjala për Shqipërinë.
Pra ajo e mbështet hapjen e negociatave.
Por a ishte ky qëllimi i komentimit të tij?
Krichbaum u pyet nga një komentues se përse Merkel nuk mendon si ai dhe ai tha shkurt se në partinë e tyre nuk duhet që të gjithë të mendojnë njësoj.
Këtë ironi ai e përdori edhe kur erdhi në Shqipëri. Si për të treguar se ndryshe nga vendi ynë ku të gjithë mendojnë si kryetari, në Gjermani gjërat janë ndryshe.
Ironinë ai e përdori edhe dje, por mediat dhe komentuesit e shumtë shqiptarë në faqen e tij e përcollën edhe atje zhurmën shqiptare.
