Deputetja e Partisë Demokratike Albana Vokshi ka denoncuar sot skandalin e mbledhjes së të dhënave personale të prindërve përmes nxënësve me urdhër të Ministres së Arsimit.
“Me urdhër të kryeministrit Edi Rama, ministrja e Arsimit, Rinisë dhe Sporteve, ka nisur një fushatë të kundërligjshme për t’u marrë prindërve të nxënësve të gjitha të dhënat personale. Mësuesve u është kërkuar nga ministrja e Arsimit që të marrin sa më shpejt të gjitha të dhënat personale të prindërve”.
Deputetja Albana Vokshi i ka bërë thirrje prindërve të mos i japin të dhënat personale, si dhe i ka kërkuar Ministrisë së Arsimit të sqarojë situatën dhe Prokurorisë të nisë menjëherë hetimet.
“Prindër, refuzoni dhënien e kartave të identitetit në shkolla, dyshohet se do të përdoren për zgjedhje”.