Një tjetër tentativë për të trafikuar lëndë narkotike drejt shtetit fqinj Italisë, është zbuluar nga policia.
Efektivët e policisë kufitare kanë konstatuar një gomone në Pishpore të Fierit.
Gomonia dyshohet se do të përdorej për trafikun e drogës, por në vendngjarje policia nuk gjeti persona të dyshimtë..
Policia kufitare thotë përmes një njoftimi zyrtar se midis pishave është konstatuar i fshehur një gomone, që dyshohet se do të përdorej për trafikim të narkotikëve drejtim Italisë.
Mjeti lundrues është 10 metra i gjatë me dy motorë.
Nga verifikimet ka rezultuar se ky mjet është i pamatrikulluar dhe me numrat e motorëve të fshirë.
Për kryerjen e veprimeve të mëtejshme hetimore dhe procedurale gomonia ju dorëzua drejtorisë së Policisë në Fier.