Çifti i Prokurorëve të shkarkuar Dritan Gina dhe Rovena Gashi, do të hetohen nga organi i akuzës në Fier.
Ndaj tyre ka nisur një hetim për fshehje dhe mosdeklarim të pasurisë në Prokurorinë e Durrësit. Por ky organ shpalli moskompetencë për hetimin, pasi kryeprokurorja e Durrësit, Anita Jella, është shoqe e kryeprokurores Arta Marku.
Çifti i bashkëshortëve prokurorë, ngriti pretendime se ndaj tyre po bëhet hakmarrje politike, ndaj tashmë hetimi i tyre është në dorë të Prokurorisë së Fierit.
Më 14 maj kryeprokurorja e Përgjithshme e Përkohshme, Arta Marku i pezulloi nga detyra Ginën dhe Gashin deri në përfundim të hetimeve.
