Botohet lista e fundit me 800 emrat e tjerë të personave që kanë fituar të drejtën për të kaluar në fazën e parë dhe për kredi me interes të ulët me ndërmjetësimin e Bashkisë së Tiranës.
Në total janë 2556 familje të cilat kanë fituar të drejtën për të kaluar në fazën e parë dhe për të marrë kredi me interes të ulët nga bashkia.
Ndërkohë që një numër më parë Shqiptarja.com publikoi edhe listën e aplikuesve që nuk kanë plotësuar kriteret dhe që kanë 1 muaj afat për të ankimuar këtë vendim.
Faza e dytë
Në 15 korrik Bashkia e Tiranës do të nisë fazën e dytë për programin e “Subvencionimit të Interesave të Kredive”.
Faza e dytë lidhet me dorëzimin e dokumentacioneve të tjera, por edhe plotësimit të kushteve shtesë. Kreditë e buta parashikojnë që çdo familje të marrë një kredi në bankat e nivlit të dytë me interes 3%.
Pas marrjes së miratimit në Këshillin Bashkiak, çdo familje ka 6 muaj afat për të gjetur apartamentin.
