Pensionet do të pësojnë një rritje në masën 2.8%, duke sjellë më shumë të ardhura për personat përfitues.
Lajmi u bë i ditur nga Kryeministri, Edi Rama gjatë llogaridhënies publike në qytetin e Durrësit, ku u informua nga afër për shqetësimet dhe problemet e banorëve.
“Sot kemi marr një vendimin për një rritje të pensioneve, është shumë e vogël në raport me çfarë duhet, por është 2,8%.
Nuk kemi indeksuar pensionet vetëm në bazë të inflacionit, por kemi shkuar mbi inflacionin për ti bërë një shtesë pensionistëve në 1 korrik.
Nuk është shumë, por ama janë gjëra që bëhen hap pas hapi dhe jam i bindur që duke ecur hap pas hapi ne mund të bëjmë këtë 4 vjeçar një transformim real të ekonomisë dhe do të sjellim më shumë të ardhura për familjet”, përfundoi kryeministri Rama. /ATSH