“Xhafaj”, prokurorët shqiptarë shkojnë sërish në Itali

Shqipëria

“Xhafaj”, prokurorët shqiptarë shkojnë sërish në Itali

Më: 18 qershor 2018 Në ora: 21:26
Agron Xhafaj

Njëri nga prokurorët që po heton përgjimin e publikuar nga Partia Demokratike ku pretendohet të jetë protagonist, vëllai i Ministrit të Brendshëm Fatmir Xhafaj, ka qëndruar në Itali ditët e fundit.

Shkak për këtë vizitë në vendin fqinj, është bërë procedura mbi bazën e të cilës do të realizohet ekspertiza në shtetin italian dhe kërkesa që të përshpejtohet përgjigjia që Prokuroria e Krimeve të Rënda ka kërkuar në lidhje me këtë çështje.

Për të dyten herë brenda pak javësh prokurorët që po hetojnë audio-përgjimin e denoncuar nga Partia Demokratike, ku pretendohet se është përfshirë vëllai i Ministrit të Brendshëm Fatmir Xhafaj, kanë shkuar në Itali për të marrë kontakt me institucionet homologe që po kryejnë ekspertizën e zërit. 

Njëri nga prokurorët e çështjes ka qëndruar në Itali javën që shkoi ku ka marrë kontakt me autoritetet për sqarimin e procedurave me qëllim që përgjigjia e kërkuar të mbërrijë sa më shpejt në Shqipëri. 

Shkak dyshohet të jetë bërë procedura që do të ndiqet për kryerjen eskpertizës së audio-përgjimit në një nga laboratorët e policisë së vendit fqinj, ku nuk përjashtohet edhe mundësia e regjistrimit të çështjes në Itali. 

Dërgimi i zërit nga organi i akuzës me anë të letërporosive duket se ka hasur e probleme proceduriale që mund të vonojnë rezultatin e saj, pavarësisht angazhimit te disa institicioneve. 

Burime nga organi i akuzës thonë se nuk është e nevojshme marrja e një tjetër kampioni zëri për Agron Xhafajn, pasi ai është marrë konform të gjitha procedurave ligjore në prani të nje eksperti dhe dhe të prokurorit të çështjes. 

Madje i gjithë momenti i marrjes së zërit është filmuar nga ana e prokurorisë në cilësinë e provës. 

Prokurorët janë duke hetuar edhe për dëshminë e një personi të dytë të paraqitur në polici dhe prokurori nga Novosela e Vlorës, i cili ka pohuar se ka qenë ai që ka imituar zërin e Agron Xhafajt pas kërkesës së Albert Veliut ose të njohur ndryshe Babalja. 
Edhe zëri i tij mesohet si i është bashkuar monstrave për të cilat po zhvillohet ekspertiza për të vërtetuar deklarimet e dhëna prej tij.

commentFirst article
Sot mund të lexoni Shfletoni kopertinat